Wednesday, May 11, 2016

قصص رعب حقيقية قصيرة


المصدر : قصص رعب

كنت برا ولما رجعت البيت اختي الصغيرة فتحتلي الباب ولقيتها مشيت قدام مني بكتير وفجأة لقيتها قدامي بالضبط

فسألتها ماما فين لاقيتها بتبصلي وتضحك وأردد سؤالي متردش ولقيتها دخلت اوضتنا ..

مع ان النور مطفي فيها وانا كل ده ماشية وراها دخلت وبفتح نور الاوضة وبقولها بت يا ياسمين ملقيتش حد !

والله ما كانت موجودة بدخل اوضة ماما لاقيتها هي وماما قاعدين. يعتبر دي من أرعب المواقف اللي معلقة معايا قوي ومعرفش كان ايه ده بالضبط

ثاني قصة رعب قصيرة

بعد ما حكيت هنا عن الظل الي مصاحبني جتني نوبات اكتر في الفترة الأخيرة

هشرحها واسف لو بانت طفولية بالمختصر بتحصل لما اصحى من النوم بشوف الي بيصحيني رفيع،

رفيع جلد على عضم وطويل بشكل غير معقول، والدنيا كلها بتتهز وتترج الفكرة ان ده حصلي واخويا بيصحيني

ولما هديت قالي انت كنت بتزقني وترفص كاني جاي اضربك الفكرة كلها في الرعشة الي بتصيبني بعد ما تخلص الهلوسة،

بتفضل مده ومش ببقى عارف امشي كويس، الارض مش بتبقى ثابته تحت رجلي الموضوع حصلي تلت مرات على فترات متباعدة

وبقاله مده ما حصلش لحد دلوقتي الموضوع يا كيميا جسمي وحاجه عضوية، يا الله اعلم كيان ما .

ثالث قصة رعب قصيرة

عندنا فى العمارة شقة فيها ست انتحرت من سنتين ومحدش لاحظ حاجة غريبة خالص

بس من يومين وانا معدى من قدام الشقة اتهيالى إن فى حد قاعد على العتبة

انا لمحته بطرف عينى بس بعدها استعذت بالله ومشيت تانى يوم واحد جارى قاللى انه كان نازل قدام الشقة

وفجأة رجله اتمسمرت وحس حد بيشده لجوه .جبنا شيخ بمجرد ومن غير مانقوله وقف قدام الشقة عينه دمعت

وقال الشقة دى روحها تقيلة ربنا يستر عليكم ياريت تعزلوا .

No comments:

Post a Comment